Astanada Esil ózeninde navıgatsııa maýsymy ashyldy

Saltanatty rásimge elorda ákimdiginiń jáne qalalyq qyzmetterdiń ókilderi qatysty, dep habarlaıdy astana.kz .

Sharanyń resmı bóliminen keıin ortalyq tárbıelenýshileri úshin Esil ózenimen teplohodpen serýen uıymdastyryldy.
 

«Esil-Astana» kásiporny mamandarynyń aıtýynsha, bıyl elordada toǵyzynshy navıgatsııalyq maýsym ashylyp otyr. Qazirgi ýaqytta Astana qalasynyń ózen flotyna 14 keme kiredi, sonyń altaýy  jalpy syıymdylyǵy 265 adam bolatyn 6 jolaýshylar kemesi jáne 9 tehnıkalyq keme, sonyń bireýi  ózendi patrýldeýge arnalǵan motorly qaıyq. Sý joldaryn júzý quraldarynyń qaýipsiz ótýin qamtamasyz etetin jaǵdaıda ustaý maqsatynda jyl saıyn kásiporyn navıgatsııalyq belgiler ornatyp, sý túbin zertteý jumystaryn júrgizedi.
 

Esil ózenimen keme qatynasy Memleket basshysy usynǵan bastamanyń arqasynda múmkin boldy. Ol elordany damytýdyń bas josparyn túzetý barysynda Esil ózenin kóliktik maqsattarda paıdalaný múmkindikterin qarastyrýdy usynǵan bolatyn, deıdi sharanyń uıymdastyrýshylary. Osy oraıda 2008 jyly «Esil-Astana» memlekettik kommýnaldyq qazynashylyq kásiporny qurylyp, qajet shtaty, qyzmeti jáne qyzmet kórsetýshi qyzmetkerleri jasaqtaldy. Kásiporyn qyzmeti halyqqa servıstik-mádenı qyzmetter kórsetýge jáne Esil ózeninde jol salý jumystaryn júrgizýge baǵyttalǵan.
 

2015 jyldyń maýsym aıynan bastap Esil ózeniniń Astana qalasynyń ákimshilik-aýmaqtyq shekarasy sheginde Qazaqstan Respýblıkasynyń keme qatynasy joldarynyń sanatyna resmı túrde engizildi. Esil ózenindegi keme qatynasy Astana, jalpy elimiz úshin ımıdjdik joba sanalady. Esil ózeniniń akvatorııasymen teplohodpen jolaýshy tasymaldaý mádenıet pen demalys múmkindikteri turǵysynan elordanyń tartymdylyǵyn arttyra túsedi.

Atap óterligi, ekskýrsııalyq-serýen qyzmetterine tarıfter sońǵy birneshe jyl boıy ózgermeı keledi jáne eresek jolaýshylarǵa  1000 teńge, 7-16 jas aralyǵyndaǵy balalarǵa 500 teńge.

 

Foto: Ilzat Safargalıev