Astanada Esenǵalı Raýshanovtyń jyr keshi ótti

  ASTANA. QazAqparat - Búgin Astanadaǵy  «Shabyt» shyǵarmashylyq saraıynda Memlekettik syılyqtyń ıegeri, belgili aqyn Esenǵalı Raýshanovtyń «Bizdiń eldiń jylqysy kil kókmoınaq» atty keshi ótti.

  
Bul kesh ári Alashtyń ardaqty aqynynyń bıyl mereıli 60 jasqa tolýyna oraı uıymdastyrylyp otyr. Keshke Mańǵystaý oblysynyń ákimi  Eraly Toǵjanov jáne belgili aqyn-jazýshylar men zııaly qaýym ókilderi qatysty. Rýhı keshte aqynnyń sózine jazylǵan ánder aıtylyp, teatrlyq  qoıylymdar kórsetildi. Sonymen birge aqynyń izin qýǵan jastar avtordyń jyrlaryn jatqa oqydy.
 

Kesh sońynda Esenǵalı Raýshanov jurtshylyqqa ystyq yqylasyn bildirdi. «Barlyqtaryńyzǵa kóp rehmet! Elbasynyń  «Bolashaqqa baǵdar: rýhanı jańǵyrý» maqalasy el kútken eń úlken jańalyq boldy. N. Nazarbaevtyń tapsyrmalaryna sáıkes oblysymyzǵa jańa basshy kelip, úlken jumystar atqarylyp jatyr. Oǵan halyq kýá.Osy oraıda Eraly Toǵjanovqa alǵysymdy bildirgim keledi», - dedi aqyn.

 Aıta keteıik, «EKSPO-2017» kórmesi aıasynda Mańǵystaý oblysynyń mádenıet kúnderi ótip jatyr.