Astanada «ES 645 T2» jaýyngerlik tikushaǵy tanystyryldy
Qazaqstandyq kompanııanyń kommertsııalyq dırektory Káribaı Áblezovtiń sózine qaraǵanda, atalǵan tikushaq - Eýropanyń áskerı ǵalymdarynyń sońǵy jańa eńbekteriniń biri. Bul mashına bıik taýly aımaqtarda jáne ystyq jerlerde paıdalanýǵa beıimdelgen. Sonymen qatar ol optıkalyq júıemen, qashyqtyqty ólsheý úshin lazerlik qurylǵymen, basqarylatyn jáne basqarylmaıtyn zymyrandarmen, iri kalıbrli zeńbirekpen jabdyqtalǵan.
Tikushaqtyń eń joǵary jyldamdyǵy saǵatyna 268 shaqyrymmen shektelip otyr, sondaı-aq ushý qashyqtyǵy 663 shaqyrymǵa arnalǵan. Qazirgi kezde onyń serııalyq óndirisi álemniń birde-bir elinde bastalmaǵan eken. Qazaqstanǵa tikushaq 2014 jyly jetkizilmek.
«Tikushaqtar Germanııa men Frantsııada shyǵarylady. Biz Astanada qurastyrý úshin atalǵan elderden jıyntyq jabdyqtardy alatyn bolamyz. Elordada tek qurastyrý jumystary júrgiziledi», - dep túsindirdi tanystyrylym barysynda K. Áblezov.
«EýrokopterQazaqstan ınjınırıng» zaýytyn «Qazaqstan ınjınırıng» Ulttyq kompanııasy» AQ men «Eýrokopter» frantsýz kásiporny birlesip qurǵan. Qazaqstan Respýblıkasy Prezıdentiniń tapsyrmasymen 2010 jyldyń 27 qazanynda Frantsııada birlesken kompanııa qurý týraly ekijaqty kelisimge qol qoıyldy.