Astanada erteńnen bastap Bógenbaı batyr dańǵyly men Saryarqa kósheleriniń qıylysyndaǵy baǵdarshamnyń jumysyna ózgerister engiziledi
ASTANA. Qyrkúıektiń 22-si. QazAqparat /Gúlmıra Álıakparova/ - Astanada Tilendıev dańǵylynan Saryarqa kóshesine qaraı kólikterdiń ótý qarqynyn joǵarylatý úshin, qyrkúıektiń 23-i tańerteńgi saǵat 7-den bastap Bógenbaı batyr dańǵyly men Saryarqa kósheleriniń qıylysynda qozǵalysty retteıtin baǵdarshamnyń jumysyna ózgerister engiziledi.
Bul týraly qalalyq Jol polıtsııasy basqarmasynan málim etti.
Sonymen birge, avtojoldar qıylysymen jaıaý júrginshilerdiń aǵynyn retteý úshin týrnıkettik qorshaýlar ornatylady. Sondaı-aq, jol ústindegi belgilerge, onyń ishinde jolaqtar boıynsha qozǵalys baǵyttaryna ózgerister engiziledi.
