Astanada erteń daýyl turyp, burshaq jaýýy múmkin - Qazgıdromet
ASTANA. QazAqparat - Elordada 22 tamyz kúni daýyl turýy múmkin. Sınoptıkterdiń habarlaýynsha, daýyldy eskertýdiń yqtımaldylyǵy 90-95 paıyzdy kórsetip otyr, dep habarlaıdy QazAqparat tilshisi Qazgıdrometke silteme jasap.
«22 tamyzda túnde Aqmola oblysynyń keı jerlerinde qatty jańbyr jaýady. Keı jerlerinde naızaǵaı, tuman, burshaq kútiledi, soltústik-batystan, batystan jel soǵady. Jeldiń ekpini keı ýaqytta 15-20 m/s-qa deıin kúsheıýi múmkin», - delingen habarlamada.
Sınoptıkter habarlaǵandaı, Astana qalasynda 22 tamyzda naızaǵaı kútiledi. Soltústik-batystan, batystan jel soǵady (keı ýaqytta ekpini 15-20 m/s). Túnde jáne tańerteń tuman kútilse, kúndiz burshaq jaýady.
«Daýyldy eskertýdiń yqtımaldylyǵy 90-95 paıyz», - delingen habarlamada.
