Astanada erli-zaıyptylar búıregin satqysy kelgen
ASTANA. QazAqparat - Astana qalalyq №2 Esil aýdandyq sotynda adam aǵzalaryn satýǵa qatysty qylmystyq is qaraldy, dep habarlaıdy QazAqparat tilshisi.
Sot materıaldaryna sáıkes, 2017 jyly elordada turatyn erli-zaıyptylar ınternet jelisinde adam aǵzasyn satý týraly habarlandyrý jarııalaǵan. Ekeýiniń biri - E. esimdi azamat óz búıregin 6 000 000 teńgege satpaqshy bolyp, habarlandyrý bergen. Artynan, búırekti 6 mln teńgege satý týraly kelisimshartty da rásimdegen. Alaıda aqshany aýdaryp beremin degen adam quqyq qorǵaýshy bolǵan.
«Sot sheshimine sáıkes, erli-zaıyptylar QR Qylmystyq kodeksiniń 24-baby boıysha kináli dep tanylyp, 5 jylǵa shartty túrde bas bostandyǵynan aıyrý jazasyna kesildi», - delingen sottyń resmı habarlamasynda.
