Astanada erkin kúresten ótken týrnırdiń jeńimpazdary anyqtaldy
Astanada grek-rım kúresinen qazaqtan shyqqan tuńǵysh álem jáne olımpıada chempıony Jaqsylyq Úshkempirov atyndaǵy jekpe-jek saraıynda dańqty palýandy eske alýǵa arnalǵan erkin kúresten respýblıkalyq týrnır aıaqtaldy, dep habarlaıdy Kazinform elorda ákimdiginiń resmı saıtyna silteme jasap.
Úsh kúnge sozylǵan básekede 2012-2014 jyldary týǵan balalar men 2009-2011 jyldary týǵan kishi jasóspirimder 18 salmaqta synǵa tústi.
Bozkilem sheberleriniń jeńimpazdary men júldegerlerin marapattaý rásimine Astana qalasynyń Dene shynyqtyrý jáne sport basqarmasynyń basshysy Samat Jylqybaev, qalalyq sport basqarmasyna qarasty №7 Balalar men jasóspirimder sport mektebiniń basshysy Serik Halelov jáne «Kúres túrleri boıynsha Olımpıadalyq daıarlaý ortalyǵy» RMQK dırektorynyń mindetin atqarýshy Jandos Úshkempirov qatysty.
Uıymdastyrýshylardyń aıtýynsha jarystyń maqsaty – elimizde erkin kúresti damytý jáne tanymal etý, jas sportshylar arasynda ár salmaqta myqty palýandardy anyqtaý sondaı-aq, sport sheberlikterin arttyrý.
Aıta keteıik, dańqty palýandy eske alýǵa arnalǵan erkin kúresten respýblıkalyq týrnır Qazaqstannyń bas shaharynda bıyl tórtinshi márte ótkizildi.
Oǵan elimizdiń barlyq óńirinen bas-aıaǵy 600-den asa jas óren baq synady.
Aıtýly jarysta oza shapqan úzdikter arnaıy dıplom, medaldarmen marapattaldy.
Aıta keteıik, respýblıkalyq týrnır Astana qalasynyń Dene shynyqtyrý jáne sport basqarmasynyń uıymdastyrýymen jáne QR Týrızm jáne Cport mınıstrliginiń Sport jáne dene shynyqtyrý isteri komıtetiniń, Astana qalasynyń ákimdiginiń, QR grek-rım, erkin jáne áıelder kúres federatsııasynyń qoldaýymen uıymdastyryldy.
