Astanada eresekter arasynda kúres túrlerinen Azııa chempıonaty ótedi
ASTANA. QazAqparat - Astana qalasynda eresekter arasynda kúres túrlerinen Azııa chempıonaty ótedi, dep habarlaıdy QazAqparat tilshisi.
Qurlyqtyq doda alǵashqyda Úndistan astanasy Nıý-Delı qalasynda ótkiziledi dep josparlanǵan edi.
«Ony uıymdastyrýshylar Astana qalasyna aýystyrý jóninde sheshim qabyldady. Balýandar 7-14 sáýir aralyǵynda júldelerdi sarapqa salady», - dep málim etti QR Kúres federatsııasy baspaóz qyzmetiniń jetekshisi Aspandııar Esenjolov.
Azııa chempıonaty 1979 jyldan beri turaqty ótkizilip keledi. Qazirge deıin qazaqstandyq balýandar barlyǵy 307 medal enshiledi. Olardyń 81-i altyn, 85- kúmis, 141-i qola. Bul jóninen medaldar kestesinde tórtinshi orynda tur. Alǵashqy úshtikte Iran, Japonııa, Ońtústik Koreıa quramalary keledi.
Eske salsaq, Atyraý oblysynda qusbegilikten Qazaqstan chempıonaty ótedi.
