Astanada eresekter arasynda qyzylsha juqtyrý jaǵdaıy jıiledi

ASTANA. KAZINFORM – Elordada eresekter arasynda qyzylsha juqtyrý jaǵdaıy 49-dan 71 adamǵa deıin kóbeıdi. Bul týraly Astana qalasynyń Bas memlekettik sanıtarııalyq dárigeri Sarhat Beısenova aıtyp berdi. 

Mamannyń aıtýynsha, Astanada qyzylsha boıynsha epıdemıologııalyq jaǵdaı turaqsyz dep baǵalanýda. Osy aptada táýligine 48-ge jýyq jaǵdaı tirkeldi.

«Qańtar aıynyń basynan beri elordada qyzylshanyń 1 029 bastapqy jáne 321 rastalǵan jaǵdaıy tirkeldi, onyń ishinde 14 jasqa deıingi balalar arasynda – 227 juqtyrý jaǵdaıy bar. Naýqastardyń 68%-dan astamy – buryn qyzylshaǵa qarsy ekpe almaǵandar, bul ınfektsııanyń elordada taralýyna ákeldi», - dedi S. Beısenova Astana qalasynyń kommýnıkatsııalar qyzmetinde ótken brıfıngide.

Sońǵy aptada qyzylsha aýrýynyń kórsetkishi aldyńǵy aptamen salystyrǵanda 1,1 esege ósti. Ótken jańa jyldyq mereke kezinde áleýmettik qarym-qatynastyń artýyna baılanysty eresekter arasynda qyzylsha juqtyrýdyń 49-dan 71 jaǵdaıǵa deıin ósýi baıqalady. 

«Al 1 jasqa deıingi jáne 3 jastaǵy balalar arasyndaǵy syrqattaný kerisinshe jeltoqsan aıymen salystyrǵanda tómendegen. Máselen, 1 jasqa deıingi naýqas balalardyń úles salmaǵy 14%-dan 8%-ǵa deıin jáne 3 jastaǵy balalar úlesi – 22%-dan 16%-ǵa deıin tómendedi. Oǵan qosymsha jappaı ımmýndaý kómektesti. ıAǵnı, vaktsınalaý tıimdiligin joqqa shyǵarý múmkin emes», - deıdi spıker.