Astanada erekshe sýret kórmesi ótti
ASTANA. KAZINFORM – Astanadaǵy mektep janyndaǵy lagerlerde oqýshylardyń shyǵarmashylyq, tsıfrlyq jáne quqyqtyq mádenıetin arttyrýǵa baǵyttalǵan «Zań men tártip álemi» atty sýret kórmeleri uıymdastyryldy.
Kórme óskeleń urpaqtyń quqyqtyq mádenıetin qalyptastyrýǵa, zań men tártip qaǵıdattaryn nasıhattaýǵa jáne balalardyń azamattyq jaýapkershiligin arttyrýǵa baǵyttalǵan mańyzdy tárbıelik joba bolyp tabylady. Oqýshylar óz shyǵarmashylyq jumystary arqyly qoǵamdaǵy ádildik, qaýipsizdik, jaýapkershilik jáne tártip qundylyqtaryn kórkem tilmen beıneleıdi.
Jas sýretshilerdiń týyndylary zańǵa qurmet, qoǵamdyq tártip, jol qozǵalysy qaýipsizdigi, ınternettegi qaýipsiz minez-qulyq jáne jeke qaýipsizdik mádenıeti sııaqty ózekti taqyryptardy qamtıdy. Kórme balalardyń tek shyǵarmashylyq qabiletin ǵana emes, sonymen qatar quqyqtyq saýattylyǵyn arttyrýǵa múmkindik beredi.
Atalǵan is-sharalar bilim alýshylardyń shyǵarmashylyq, zııatkerlik jáne áleýmettik damýyna yqpal etip qana qoımaı, olardyń quqyqtyq mádenıetin qalyptastyrýǵa, zań men tártipke qurmet sezimin nyǵaıtýǵa baǵyttalǵan.
Іs-sharaǵa oqýshylar, pedagogter, ata-analar qatysty.
— Zań men tártip bárinen mańyzdy. Balalardy bilimge zamanýı tehnologııalyq úderisterge baýlý óte mańyzdy. Óıtkeni HHІ ǵasyr — ǵylym men jańa tehnologııalar dáýiri. Sonymen qatar quqyqtyq mádenıet artyp, zań men tártip qaǵıdalaryn sezine túskendigi asa mańyzdy. Sondaı-aq, jas órender sýret kórmesin kórip tabıǵat pen adamzat tyń ortaq qundylyqtaryn sezine alady, — dedi ata-ana Gúlfaırýz Eskendirova.
Aıta ketelik «Qyzyl Book Art: Dala qazynasy» respýblıkalyq sýret baıqaýyna ótinim qabyldaý bastalǵany týraly jazǵan edik.
