Astanada erekshe basylymdar men qoljazbalar tanystyryldy
ASTANA. QazAqparat - Ulttyq akademııalyq kitaphana sırek kezdesetin kitaptar men qoljazbalardyń ishinen eń qundylaryn jurt nazaryna shyǵardy. QR Ulttyq akademııalyq kitaphana qundylyqtarymen Reseı, Grýzııa, Ázerbaıjan, Iran, Tájikstan, Germanııa, Avstrııa, Moldova, Frantsııa, Indonezııadan kelgen 300-ge jýyq qonaq tanysa aldy.
Jádigerlerdiń ishinde - túrik aqyny, fılosofy Álisher Navoıdyń shyǵarmalary bar. Ony 1831 jyly Samarqandta molla jazyp alǵan.
Túrik pen mońǵoldardyń shejiresin jazǵan tarıhshy Ábilǵazynyń qozy terisine jazǵan jazbalary bar. Qazirgi tańda jazbalardy qalpyna keltirý kerek.
Qurannyń da birneshe erekshe basylymy tanystyryldy. Kitaptardyń ólshemderi - 1,5 sm /1,8 sm, musylmandyq teorııanyń negizin qalaýshylardyń biri - Gılanı jazbasy, bambýk taqtashasyna jazylǵan Qytaı ımperatorlyq kitaphanasynan ákelingen 9 ǵasyrdyń áskerı strategııasy.
«Abaı» romanynyń alǵashqy basylymy qundy. Ol Muhtar Áýezovtyń jazǵany, ózgerissiz kúıi. Onda avtordyń qoltańbasy men avtoportreti bar (...) Sáken Seıfýllın redaktsııalaǵan Ybyraı Altynsarınniń kitaby. Bul jazbalardy Sáken Seıfýllın jazdy dep oılaımyz. Sondaı-aq munnan Beıimbet Maılın, Іlııas Jansúgirovtiń basylymdaryn kórýge bolady(...) 1902 jyly jazylǵan Jıýl Vernniń «Ápendeniń ósıeti» («Zaveşanıe chýdaka») shyǵarmasy (avtordyń qoltańbasy bar), Aleksandr Bloktyń óz qolymen jazǵan kitaby bar», - dedi QR Ulttyq akademııalyq kitaphanasynyń sırek kezdesetin kitaptar men jazbalar bóliminiń basshysy Álııa Qojabekova.
Sonymen qatar ol qosymsha zertteý men qarjylandyrýdy talap etetin qazaqstandyq jazba muralary máselesi bar ekenin atap ótti. Al qala turǵyndary men qonaqtary sırek kezdesetin kitaptar men jazbalarǵa qol jetkizýi úshin tıisti ortalyq qurylýy tıis. 
