Astanada er adamdy kólik qaǵyp ketti

ASTANA. KAZINFORM — Oqys oqıǵa Astanadaǵy Dostyq kóshesinde boldy.

Júrgizýshi ruqsat etilmegen jerden joldy kesip ótip bara jatqan er adamdy qaǵyp ketti.

— Dostyq kóshesinde jaıaý júrginshiniń qatysýymen bolǵan jol-kólik oqıǵasy boıynsha tergeý júrip jatyr. Aldyn ala málimet boıynsha, Nissan markaly kólikti basqarǵan júrgizýshi ruqsat etilmegen jerden joldy kesip ótip bara jatqan er adamdy qaǵyp ketken. Zardap shegýshi qajetti medıtsınalyq kómek alý úshin aýrýhanaǵa jetkizildi, — dep habarlady Astana qalasynyń polıtsııa departamenti.

Buǵan deıin Jetisý oblysyndaǵy jol apatynan eki adam qaza tapqanyn jazǵan bolatynbyz. 

Sondaı-aq Astanada alty jasar balany júk kóligi qaǵyp, mert qyldy.