Astanada er adamdy kastratsııalaý oqıǵasy boıynsha sot talqylaýy qaıta jalǵasty
ASTANA. QazAqparat - Elordada er adamdy kastratsııalaý oqıǵasy boıynsha sot talqylaýy qaıta jalǵasty, dep habarlaıdy QazAqparat tilshisi.
Atalǵan oqıǵaǵa qatysty kúdikti retinde aıyptaýshy áıel sot otyrysyna týystarymen jáne advokatymen birge keldi.
Eske sala ketsek, buǵan deıin er adamdy kastratsııalaý isi boıynsha sot otyrysy 2018 jyldyń 23 sáýirine qaldyrylǵan bolatyn.
Atalǵan is boıynsha sot otyrysy jabyq túrde ótýde. Basty sot talqylaýy elordadaǵy Esil aýdandyq sotynda 12 sáýir kúni bastalǵan edi.
Qańtar aıynda 36 jastaǵy kelinshek súıiktisiniń jynystyq múshesin ótkir zatpen tilimdep tastaǵan bolatyn. Keıinirek qansyraǵan er adamdy óz kóligimen aýrýhanaǵa alyp barǵan.
Sonymen qatar, áleýmettik jeliler men messendjerlerde Astana qalasy Esil aýdandyq №2 sotynyń 2018 jylǵy 24 qańtardaǵy qaýlysy retinde sıpattalǵan qujattyń fotosy taraldy.
Sotqa deıingi tergeý amaldary aıaqtalǵannan keıin atalǵan is boıynsha materıaldar qalalyq prokýratýraǵa jiberildi.
