Astanada er adamdarsyz ómir týraly fılm túsirilýde (FOTO)
ASTANA. QazAqparat - Astanada «Vse ız-za mýjıkov» komedııalyq fılminiń túsirilimi aıaqtalýda, onda úsh jigit tek áıelder ǵana turatyn Qazaqstan elordasyna tap bolady.
Túsirilim barysyn kórsetý úshin QazAqparat tilshisi shaqyrylǵan bolatyn.
«Barlyǵyna erkekter kináli dep jatady ǵoı. Rasynda, barlyǵyna tek osy erkekter kináli bolady ma? Biz osyny anyqtaǵymyz keldi», - deıdi fılm prodıýseri Aleksandr Sýslov.
Kartına keıipkerleri áıel áleminde bolyp qaıtady. Olardy munda tóbelerine kóterip, asa qasterleıdi. Bastapqyda bul olarǵa jumaq orny sekildenedi, alaıda barlyǵy olar oılaǵandaı keremet emes eken. Jigitter qyzdardyń arasynda pir bolǵylary keledi me, álde burynǵy ómirlerine qaıta ańsaýǵa kóshedi me!?
Fılm avtorlary komedııa óte kúlkili bolady dep sendirýde. Sıýjette kórermender úshin tosyn oqıǵalar oryn alady. Kınolenta boıynsha bir aı boıy, kúnine 12 saǵat, 50 adamnan quralatyn túsirý toby eńbek etýde. Prodıýser Aleksandr Sýslovtyń aıtýynsha, túsirý kezinde kınokomanda kadrǵa birde-bir er kisiniń beınesi enip ketpeýin qadaǵalap otyrǵan.
«Bizge Astanany azdap «ózgertýge» týra keldi. Ony áıelder qalasyna aınaldyrdyq. Keıbir elementter kompıýterlik grafıkamen tolyqtyrylady. Túsirý óte qıyn boldy, ásirese kóshede júrip bara jatqan kezder erekshe aýyr tústi. Kadrda er kisiler bolmaýy úshin joldardy jabý kerek boldy. Qyzdar álemin erekshe jaryq etip kórsetý úshin biz keıbir kólikterdi sary, jasyl, qyzǵylt túske «boıaımyz», - dedi ol QazAqparat tilshisine bergen suxbatynda.
Onyń sózine qaraǵanda, fılmge túsetin akterler jiti irikteýden ótken.
Nátıjesinde fılmge Murat Bısenbın («Reketır»), Táýekel Músilim («Mahabbatym júregimde»), Jánııa Jýrınskaıa («VÝZery»), Danııar Alshynov («Nıchego lıchnogo»), Saıa Orazǵalıeva («VÝZery»), Ásel Akbarova («Zaýal»), Temirxan Asylbek tańdalyp alynǵan.
Danııar Alshynov mamandyǵy boıynsha aeroǵarysh ınjeneri. «Nıchego lıshnego» telexıkaıasynda alǵash ret kınoǵa tústi. Kaskaderlerdiń jedeldetilgen kýrstarynan ótip, Aqan Sataevtyń «Raıony» fılminde judyryqtasý saxnalaryna qatysady. «Vse ız-za mýjıkov» fılminde ol tek qana qyzdar turatyn álemge túsken baqytty úsh jigittiń birin somdaıdy.
«Menińshe, men somdaıtyn keıipker barlyǵyna jaqyn, sebebi ol - qarapaıym jigit. Onyń boıynda órkókirektik joq. Men ózim qatty baıypty jigittiń rólin jasaýym kerek, biraq oqıǵalar óte kúlkili», - deıdi akter.
«Danııar Alshynov pen Jánııa Jýrınskaıa «Nıchego lıshnego» telexıkaıasynda kórermender kózaıymyna aınalǵan bolatyn. Osy eki keıipkerdiń sıýjettik jelisin birden osylarǵa arnap jazyldy. Bular óz isiniń sheberleri», - dep atap ótti Aleksandr Sýslov.
Óz kezeginde Instagrammdaǵy tanymal vıdeobloger Temirxan Asylbek shetelden kelgen usynystan bas tartyp, qazaqstandyq fılmge túsýge kelisimin beredi. «Ol maǵan qońyraý shalyp: «Bul meniń barlyq ómirimdi ózgertetin ról shyǵar?» dep surady. Sosyn ol biz úshin fılmniń birqatar tustaryn somdap berdi, biz ony shaqyrdyq. Ol Malaızııaǵa ushaqqa otyraıyn dep jatqan edi, degenmen bizdi tańdap, Astanaǵa keldi. Ol óziniń rólin jaqsy alyp shyqty, ókinip qalǵan joqpyz», - deıdi A. Sýslov.
Joba rejısseri Vıktor Bormotov akterlerdiń sheberligin atap ótti jáne túsirý tobyn maqtady.
«Bul - meniń rejısser retindegi tossynnan bolǵan alǵashqy tájirıbem. Qazaqstanda jumys istegen maǵan qatty unaıdy, sebebi mundaǵy adamdardyń kózderi «janyp tur». Bizge Qazaq óner ýnıversıtetiniń stýdentteri kómektesýde. Olar baryn salyp, bizdiń jobamyzdyń sátti oryndalýyna qoldan keler barlyq kómekterin aıamaýda», - deıdi ol.
Komedııanyń alǵashqy kórsetilimi 2017 jyldyń kókteminde ótedi dep boljanýda. Prodıýser onyń premerasy 8 naýryzda da ótýi yqtımal ekendigin jasyrmady. Oǵan fılm jelisi de saı keledi.
