Astanada er adam jumysqa turǵyzý úshin 1 myń dollar syıaqy alǵan
ASTANA. QazAqparat - Elordalyq polıtseıler asa iri kólemdegi alaıaqtyq jasaǵan 29 jastaǵy kúdiktini ustady, dep habarlaıdy ІІD baspasóz qyzmeti.
«Almaty aýdandyq ІІB polıtsııa bólimi qyzmetkerleri 29 jastaǵy Samat Táýkelovty qolǵa túsirip, Astana qalasy ІІD Ýaqytsha ustaý ızolıatoryna qamady. Aǵymdaǵy jyldyń aqpanynan shilde aılary aralyǵynda kúdikti Táýkelov aldaý arqyly «T» azamatynyń senimine kirip, aqshalaı syıaqyǵa qyzmetke ornalastyrýdy usynyp, 7 000 000 teńge jáne 1 000 AQSh dollary ortaq sommadaǵy qarjysyn ıelengen» - delingen baspasóz baıanynda
Qazirgi ýaqytta QR QK 190-baby 4-bólimi boıynsha sotqa deıingi tergeý júrgizilýde. Ustalǵan kúdiktiniń basqa da osyndaı sıpattaǵy qylmysqa qatysynyń bar-joǵy anyqtalýda.
Zardap shekkenderdi anyqtaý úshin Astana qalasy ІІD Bórili kóshesi, 18 mekenjaı boıynsha «Almaty» aýdandyq ІІB APB kezekshi bólimine kelýge nemese myna telefon nómirleri arqyly 8 (7212) 53 77 92, sot. 8 707 220 00 06, 8 777 614 41 21, 8 702 508 69 79 habarlasýdy suraıdy.
