Astanada er adam tanys kelinshektiń sý jańa kóligin órtep jibergen

ASTANA. QazAqparat - Astanada er adam tanysynyń qymbat kóligin órtep jibergen, – dep habarlaıdy Polisia.kz.

Tańerteń saǵat 05.50-de polıtsııaǵa Hyundai Tucson avtokóliginiń órtengeni týraly habarlama kelip tústi. Kólik Kúıshı Dına kóshesindegi turǵyn úıdiń aýlasynda bolǵan.

Shaqyrý boıynsha kelgen polıtseıler 42 jastaǵy er adamdy kóliktiń janynan ustady. Ol mas kúıinde jek kóretin tanysynyń kóligin órtep jibergeni anyqtaldy. Qolaıly sátti kútken er adam túnde tanys áıeldiń aýlasyna kelip, kólikke benzın shashyp, ony órtep jibergen.

Jábirlenýshige 19 mln teńge kóleminde shyǵyn keldi. Oqıǵa ornyna kelgen órt sóndirý qyzmetiniń qyzmetkerleri órtti óshirdi.

Bótenniń múlkine qasaqana zaqym keltirý faktisi boıynsha sotqa deıingi tergep-tekserý júrgizilip jatyr. Kúdikti er adam PD ýaqytsha ustaý ızolıatoryna qamaldy.