Astanada er adam oq tıip qaza boldy, taǵy bireýi aýrýhanaǵa jetkizildi - ІІD
ASTANA. 18 qańtar. QazAqparat - Astanada oq jaraqatynan er adam qaza tapty, dep habarlaıdy astanalyq ІІD-niń baspasóz qyzmetinen.
Túnde 102 nómirine «Kega shoý bar» túngi klýbynyń aýmaǵynda atqan oqtyń dybysy estilip jatqany týraly habarlama kelip tústi.
Jedel járdem qyzmeti aýrýhanaǵa esin jınamastan qaıtys bolǵan er adam men aıaǵyndaǵy oq jaraqaty bar 22 jastaǵy jas jigitti jetkizdi.
Aýmaqty tekserý barysynda polıtsııa qyzmetkerleri 1986 jáne 1991 jylǵy eki er adamdy ustady, olardyń birinen PM tapanshasy men onyń oq dárileri tabyldy.
Qazirgi ýaqytta olardyń qylmysqa qatystylyǵy tekserilýde, sondaı-aq bolǵan oqıǵanyń mán-jaılary men sebepteri anyqtalýda.
Atalǵan qylmysty jasaǵan tulǵalardy anyqtaý jáne ustaýǵa baǵyttalǵan jedel-izdeý sharalary ótkizilýde. Tergeý amaldary júrip jatyr.
