Astanada er adam kópirden sekirmek boldy

ASTANA. QazAqparat – Astana polıtseıleri kópirden sekirmek bolǵan er adamdy qutqardy, dep habarlaıdy QazAqparat Rolisia.kz-ke silteme jasap.

«5 mamyr kúni tańǵy saǵat 8 shamasynda «102» arnasyna oqıǵa kýágerlerinen ıAnýshkevıch kóshesiniń boıynda kópirden er adam sekirýge oqtalyp turǵany týraly qońyraý tústi.

Oqıǵa ornyna jaqyn mańda kezekshilikte júrgen patrýldik polıtsııa qyzmetkerleri dereý jetti. Ol ýaqytta er adam kópirden aıaǵyn tómen salbyratyp, sekirýge daıyn turǵan edi.

«Polıtsııa qyzmetkeri Serǵazy Baıanbaev jaǵdaıdy baǵalap, áreket etýdi óz qolyn aldy. Ol er adamǵa jyldam júgirip baryp, qaýmalaı qushaqtaı sala, qaýipti aımaqtan sýyryp shyǵardy. Alaıda er adam oǵash minez tanytyp, polıtseıdiń qolynan bosap shyqqan. Kómekke polıtseı Aıdos Súleımenov umtyldy. Olar er adamdy jubatyp, ony Almaty aýdanynyń polıtsııa basqarmasyna jetkizdi», - delingen polıtsııa habarlamasynda.

31 jastaǵy er adamdy mundaı áreketke ne ıtermelegenin polıtseıler anyqtap jatyr.