Astanada er adam kınoteatr qyzmetshisine qol jumsaǵan
ASTANA. QazAqparat - Áleýmettik jelide jurtty dúr silkindirgen vıdeo paıda boldy. Onda kınoteatrǵa kelýshilerdiń biri kassır qyzǵa qol jumsaǵany kórsetilgen.
Belgili bolǵandaı, oqıǵa Astanadaǵy Kinopark kınoteatr jelileriniń birinde oryn alǵan. Bul týraly mekemeniń Instagram-daǵy resmı paraqshasynda habarlady.
«Ókinishke oraı, ǵalamtorda tarap ketken vıdeojazbadaǵy oqıǵa bizdiń kınoteatrlarymyzdyń birinde bolǵan. Ol qyrkúıek aıynyń 14 kúni Astana qalasyndaǵy Kinopark 8 SaryArka oıyn-saýyq ortalyǵynda boldy. Keıbir áleýmettik jeli qoldanýshylary ony Almatyda oryn aldy dep kórsetken, bul aqparat qate. Oqıǵaǵa qatysty aryz Astana qalalyq Esil aýdanynyń ІІB-na jiberildi. Qazirgi kezde qylmystyq is qozǵalyp, tergeý amaldary júrip jatyr», - dep jazylǵan habarlamada.
