Astanada er adam qaıyrymdylyq aqshasy salynǵan qorapty urlap ketti
ASTANA. QazAqparat - Astana qalasynyń tártip saqshylary qaıyrymdylyqqa arnalǵan aqshaly qorapty qoldy etken uryny izdestirip jatyr, dep habarlaıdy «QazAqparat» HAA tilshisi qalalyq ІІD-niń Feısbýk paraqshasyna silteme jasap.
«Belgisiz er adam ashanadaǵy qaıyrymdylyqqa arnalyp qoıylǵan qorapty urlap ketip, oqıǵa ornynan iz sýytqan. Kúdikti beınebaqylaý kamerasyna túsip qalǵan», - delingen habarlamada.
Urlyq oqıǵasy 27 jeltoqsan kúni saǵat 08:00 shamasynda Jeńis dańǵylyndaǵy «Dastarhan» ashanasynda tirkelgen.
Atalǵan jaǵdaı sotqa deıingi tergeý amaldarynyń biryńǵaı reestrinde QR QK «urlyq» baby boıynsha tirkelgen. Quqyq qorǵaýshylar uryny ustaý úshin jedel izdestirý sharalaryn júrgizip jatyr.
Astana qalasynyń ІІD beınebaqylaý kamerasyna túsip qalǵan adamdy taýyp berýge kómek kórsetýdi suraıdy. Belgili málimetter bolsa, Astana qalasynyń «Saryarqa» aýdandyq ІІB-nyń 8 (7172)71-66-36, 71-66-34, 71-66-10, 8-775-400-04-28 nómirine habarlasýǵa bolady.
