Astanada er adam burynǵy jumys berýshiniń kóligin aıdap áketken
ASTANA. 10 sáýir. QazAqparat - Elordalyq tártip saqshylary burynǵy jumys berýshiniń qyzmettik temir tulparyn aıdap áketken er adamdy ustady.
«Esil» aýdandyq ІІB kezekshilik bólimine JShS dırektory habarlasyp, Prıgorodnyı kentinde saǵat 14.00-de «Toıota Kamrı» qyzmettik kóligi qoldy bolǵanyn aıtqan.
Jedel-izdestirý sharalarynyń barysynda Esil aýdandyq ІІB jáne Astana qalalyq ІІD jol polıtsııasy qyzmetkerleri beınebaqylaý kameralarynyń kómegimen bir saǵattyń ishinde kúdiktini qolǵa túsirgen. 29 jastaǵy qala turǵyny zardap shegýshiniń qol astynda jumys istegen.
Er adam aldyn ala ázirlengen kólik kiltiniń kóshirmesi arqyly temir tulpardy zardap shegýshiniń aýlasynan aıdap ketken eken.
Beınebaqylaý kameralaryna er adamnyń sheteldik kólikten memlekettik nómirlerdi asyǵa sheship jatqany túsip qalǵan. Bul tártip saqshylaryna ony tezdetip quryqtaýǵa sep boldy.
Qazirgi tańda atalmysh oqıǵaǵa baılanysty tergeý jumystary júrgizilýde. Ózgeniń kóligin zańsyz ıemdengen pysyqaıǵa QR QK 185 babynyń 1-shi tarmaǵy boıynsha aıyp taǵylyp otyr. Al sheteldik kólik ıesine qaıtaryldy.
