Astanada er adam ajyrasqan áıelin benzın quıyp, órtep jiberdi
ASTANA. QazAqparat - Elordadaǵy №25 mekteptiń muǵalimin benzınmen órtep jibergen burynǵy kúıeýine izdeý jarııalandy. Bul týraly «QazAqparat» tilshisine qalalyq ІІD baspasóz qyzmetinen habarlandy.
«26 mamyrda Astana qalasy ІІD-niń jedel basqarmasynyń ortalyǵyna saǵat 9 kezinde belgisiz bireýdiń Y. Altynsarın kóshesi boıyndaǵy turǵyn úıdiń janynda áıeldiń ústine benzın quıyp, órtep jibergeni týraly habar kelip tústi»,-delingen ІІD málimetinde.
Atalǵan azamatshanyń bet, moıyn, keýde jáne arqa terisin kúıik shalǵan. Qazirgi kezde oǵan qajetti em-dom sharalary jasalýda. Atalǵan fakti "Kisi óltirýge qastandyq jasaý" baby boıynsha sotqa deıingi tergeýdiń biryńǵaı reestrine tirkeldi.
«43 jastaǵy kúdikti anyqtaldy. Ol atalǵan áıeldiń burynǵy kúıeýi bolyp shyqty. Budan buryn osy er adam ishki ister organdarynda otbasynda janjaldy jıi jasaıtyndar sanatynda esepke alynǵan eken jáne birneshe márte ákimshilik jaýapkershilikke tartylǵan. Qazirgi kezde polıtsııa qyzmetkerleri kúdiktini ustaý boıynsha barlyq sharalardy jasaýda»,-dep atap ótti ІІD baspasóz qyzmetinen.
