Astanada er adam áskerı qyzmetkerge pyshaq salmaq boldy

ASTANA. QazAqparat - Astanada Ulttyq ulan sarbazdary áskerı qyzmetkerge pyshaq suqpaq bolǵan er adamdy toqtatty, dep habarlaıdy QR Ulttyq gvardııasynyń baspasóz qyzmetinen. 

2 qazan kúngi shamamen saǵat 21-00-de QR Ulttyq ulany 5573 áskerı bóliminiń jasaǵy gvardııashyǵa pyshaq salmaq bolǵan er adamdy ustady.

Bul kúni áskerı jasaq bastyǵy, efreıtor Jasulan Qydyrbaev qatardaǵy jaýyngerler Qazybek Úısembaev jáne Erbol Bekbaevpen birge qoǵamdyq tártip pen qaýipsizdikti qorǵaý qyzmetin atqaryp, Abaı kóshesinde júrgen.

«Sol kezde olar áreketteri oǵash kóringen azamatty baıqaǵan. Ózin tekserý kezinde er adam keýdeshesiniń sol jaq qaltasynan pyshaq alyp shyǵyp, qatardaǵy jaýynger Úısembaevqa soqqy jasamaq boldy. Áskerı jasaq onyń qolyna kisen saldy. Er adam Saryarqa aýdandyq ІІB-ne jetkizildi», - delingen habarlamada.