Astanada epılepsııamen aýyratyn 10 júrgizýshi kýáliginen aıyryldy
ASTANA. KAZINFORM – Elorda prokýratýrasy medıtsınalyq shekteýleri bar tulǵalardyń kólik júrgizý faktilerin anyqtady.
«Epılepsııa G40» dıagnozy bar júrgizýshiler kólik basqarǵan.
Mysaly, júrgizýshi rólde otyrǵan kezde denesi qurysyp, eki jaıaý júrginshini qaǵyp ketken.
Al júrgizýshi bolsa 2021 jyldan bastap epılepsııa dıagnozymen dıspanserlik esepte turǵan.
Ol QK-niń 345-baby 2-bóligi boıynsha qylmystyq jaýapkershilikke tartyldy.
Qazirgi tańda qala prokýratýrasynyń bastamasymen sot 10 adamdy júrgizýshi kýáliginen aıyrdy.
«Jol júrisi týraly» zańynyń 75-babyna sáıkes, júrgizýshiniń densaýlyǵynyń nasharlaýy medıtsınalyq qorytyndymen rastalǵan jaǵdaıda, kólik basqarý quqyǵyn toqtatýǵa zańdy negiz.
Qala prokýratýrasy jol boıynda densaýlyǵyna qaýip tóndiretin adamdardy júrgizýshi kýáliginen aıyrý boıynsha jumysty jalǵastyrady.
Aıta ketelik júrgizýshi aptap ystyqta jolǵa shyǵarda neni eskerý kerektigi týraly jazǵan edik.