Astanadaǵy Enrique Iglesias kontsertine shattl-avtobýstar qaı jerlerden qatynaıdy
ASTANA. KAZINFORM — 3 qyrkúıek kúni saǵat 20:00–de álemge áıgili ánshi Enrique Iglesias-tiń kontserti ótedi. Osy kúni kólik qozǵalysyna túsetin júktemeni azaıtý úshin arnaıy shattl-baǵyttar uıymdastyrylady.
Qala Arnaıy avtobýstar saǵat 16:00–den bastap qatynap, qaladaǵy tórt orynnan jolaýshylardy «Astana Arena» stadıonyna jetkizedi. Kontsert aıaqtalǵannan keıin kórermender osy baǵyttar arqyly keri qaıtarylady.
Arnaıy kólikter myna baǵyttar boıynsha qatynaıdy:
- Elorda tsırkiniń janyndaǵy avtoturaqtan;
- «Áziret Sultan» meshitiniń janyndaǵy avtoturaqtan;
- Qajymuqan kóshesindegi «Qazaqstan» sport kesheniniń janyndaǵy avtoturaqtan;
- «Nur-Sultan» meshitiniń (Bas meshit) janyndaǵy avtoturaqtan.
Shattl avtobýstar kontsert bastalǵanǵa deıin de, aıaqtalǵannan keıin de eki baǵytta qatynaıdy.
Qosymsha shattl-baǵyttardyń qatynaýy joldardaǵy kólik keptelisin azaıtyp, elorda turǵyndary men qonaqtarynyń kontsert ótetin jerge jaıly ári qaýipsiz jetýine múmkindik beredi.
Sonymen qatar kórermender kontsert ótetin orynǵa jyldam ári yńǵaıly jetý úshin «Tarlan Astana» jeńil relsti kólik qyzmetin paıdalana alady.
Eske salaıyq, buǵan deıin Kane Ýest kontserti Almatyǵa 5 mlrd teńge paıda ákelgenin jazǵanbyz.
