Astanada «Energotıimdi shaǵyn aýdan» jobasyn iske asyrý josparlanady
ASTANA. 4 sáýir. QazAqparat - Turǵyn úı-kommýnaldyq sharýashylyq jáne qurylys Ulttyq palatasy turǵyn úı-kommýnaldyq sharýashylyq baǵdarlamasyn jetildirý aıasynda «Energetıkalyq tıimdi shaǵyn aýdan» jobasyn iske asyrýdy usyndy.
Osyǵan oraı, 2013 jyly Astanada «Energetıkalyq tıimdilikti qamtyǵan shaǵyn aýdan» jobasyn iske asyrý josparlanady. Bul týraly Turǵyn úı-kommýnaldyq sharýashylyq jáne qurylys Ulttyq palatasy Basqarma tóraıymy Saltanat Raqymbekova Rrimeminister.kz saıtyna bergen suhbatynda málim etti.
Joba aıasynda shaǵynaýdannyń ınfraqurylymyn tıimdi basqarýdyń jańa úlgisi aprobatsııalanady, ol energııa resýrstaryna shyǵyndardy azaıtýǵa múmkindik beredi. Atalǵan júıe energııa jetildirýdi ótkizý josparlanǵan shaǵynaýdandarǵa úılerdi jergilikti irilendirý arqyly turǵyn úı qorynyń jylý jetildirýin ótkizý kezinde resýrstardy ońtaılandyrýdy kózdeıdi. Osylaısha, Astanada osy jobany birinshi bolyp Almaty aýdanynda synaqtan ótkizý josparlanǵan.
«Jetildirý boıynsha birqatar úılerdi jergilikti qalyptastyrý, birneshe úıdi biriktirý qajet. Osylaısha, shaǵyn aýdandar prıntsıpi resýrstardy, sonymen qatar adam resýrstaryn arzandatýǵa kómektesedi. Eń aldymen, bul tek bir úıdiń ǵana emes, tutas bir aýdannyń ınjenerlik ınfraqurylymyn ońtaılandyrýǵa septigin tıgizedi», - dep atap ótti TKSh Ulttyq palatasynyń basshysy.
