Astanada endi «túbit» shashpaıtyn terekter otyrǵyzylady
ASTANA. 28 sáýir. QazAqparat - Terek mamyǵyna allergııasy bar adamdar endi erkin tynystaı alady. Astanada pıramıda bitimdes terekter ósirile bastady.
Bul aǵashtardyń ádettegi terekterden ereksheligi sol, olar «túbit» shashpaıdy.
Astana qalasy Almaty aýdanynyń ákimi Sapar Ahmetovtiń aıtýynsha, atalmysh aǵashtar óte ádemi jáne bıik bolyp ósedi. Al ushar basynyń dıametri 1,5 metrge deıin jetedi. Jáne eń bastysy, terek mamyǵyn shyǵarmaıdy.
«Qala aýmaǵynda otyrǵyzylyp jatqan terekter mamyq bermeıdi. Pıramıda bitimdes terekter bizdiń klımatymyzǵa jaqsy beıimdeledi ári symbatty bolyp keledi», - deıdi ákim elordada «Nur Otan» alleıasynyń ashylýynda.
Onyń aıtýyna qaraǵanda, «túbit» shashpaıtyn terekter endi ózge elderden ákelinbeı, ózimizdiń jerimizde de ósirile bastaǵan.
«Óz ýaqytynda bul terekter alys elderden jetkizilýshi edi. Qazir ózimizdiń tálimbaǵymyzda ósirilip, baptalady. Búgingi tańda qalada otyrǵyzylyp jatqan butalardyń barlyǵy «otandyq» jáne barlyq daıyndyq deńgeılerinen ótken», - dep atap kórsetti ol.
