Astanada eńbekti qorǵaý jáne óndiris qaýipsizdigi jónindegi kórme ashyldy (FOTO)

Konferentsııanyń maqsaty - kásiporyndarda jaraqattyń azaıýyna, óndiris nysandarynda apat qaýpin tómendetýge, qoǵamǵa jáne qorshaǵan ortaǵa tıgizetin shyǵyndy azaıtýǵa, kásibı aýrýlardyń aldyn-alýǵa, eńbek ónimdiligin arttyrýǵa baǵyttalǵan memlekettik organdardyń, bıznestiń jáne qoǵamdyq uıymdardyń kúsh-jigerin biriktirý.
«Konferentsııa barysynda - 28-29 sáýirde eńbekti qorǵaý jáne óndiristegi jaraqattyń aldyn alý boıynsha tájırıbelerimen bólisetin jáne ózekti máseleler talqylanatyn paneldik sessııalar men dóńgelek ústelder ótkiziledi», delingen habarlamada.
KIOSH kórmesinde qurylysta, kólikte, energetıkada, hımııalyq óndiris, taý-metallýrgııalyq, munaı-gaz salalarynda qaýipsizdikti qamtamasyz etýge arnalǵan ónimder men qyzmetter tolyq usynylǵan.
Kórme 28 sáýir - Dúnıejúzilik eńbekti qorǵaý kúni etip jarııalaýyna oraı uıymdastyrylǵanyn aıta keteıik.