Astanada eńbek zańnamasyn buzǵan 96 jumys berýshige 18 mln teńge aıyppul salyndy
ASTANA. KAZINFORM — Bıylǵy alǵashqy jartyjyldyqta Astanada eńbek zańnamasyn buzǵan 96 zańdy jáne jeke tulǵa ákimshilik jaýapkershilikke tartyldy.
Bul týraly QR Eńbek jáne halyqty áleýmettik qorǵaý mınıstrligi Memlekettik eńbek ınspektsııasy komıtetiniń Astana qalasy boıynsha departamenti basshysynyń orynbasary Murat Shákenov Óńirlik kommýnıkatsııalar qyzmetinde ótken baspasóz máslıhatynda málim etti.
Onyń aıtýynsha, osy kezeńde 164 mln teńgeden astam jalaqy bereshegi ótelip, 305 qyzmetkerdiń eńbek jáne konstıtýtsııalyq quqyqtary qorǵaldy.
— Jyl basynan beri memlekettik eńbek ınspektorlary eńbek zańnamasynyń saqtalýyna qatysty 6 090 ótinishti qarap, 224 jospardan tys tekserý júrgizdi. Zańbuzýshylyqtardy joıý týraly 98 nusqama berildi. Sonyń nátıjesinde 96 zańdy jáne jeke tulǵa ákimshilik jaýapkershilikke tartylyp, jalpy somasy 18 mln teńge aıyppul salyndy, — dedi Murat Shákenov.
Buǵan deıin Astanada zeınetaqy men járdemaqyny rásimdeý jeńildegeni jóninde jazdyq.
