Astanada eńbek mıgranttarynyń densaýlyǵyna qatysty fotokórme ashylady
ASTANA. QazAqparat - 27 qarashada Astanada jumys izdep kelgen mıgranttarǵa Qazaqstan Respýblıkasynda týberkýlez dıagnostıkasyna jáne emdeýge qoljetimdilik usyný boıynsha jumysty kórsetetin «Saý bolyp oral!» fotokórmesi ashylady, dep habarlaıdy QazAqparat.
QR Densaýlyq saqtaý mınıstrligi baspasóz qyzmetiniń habarlaýynsha, kórme JITS-pen, týberkýlezben jáne bezgekpen kúresýge arnalǵan Jahandyq qordyń granty qarajaty esebinen HOÝP jobasy oryndaıtyn «Eńbekshi kóship-qonýshylardyń arasynda TB, KDK TB jáne TB/AITV transshekaralyq baqylaý jáne emdeý boıynsha is-sharalar» jobasy sheńberinde ashylady. Іs-shara halyqtyń týberkýlezge beıim de osal toptaryna qoǵamnyń nazaryn aýdartý maqsatynda ótedi.
Kórmege otandyq fotograf Dınara Ybraıymovanyń elimizdiń ártúrli óńirlerinde túsirgen 20 jumysy qoıylǵan. Obektıvte - qurylys alańdary, bazarlar men eńbek mıgranttarynyń basqa da jumys isteıtin oryndary, sondaı-aq olardyń ómir súretin jerleri bar. Fotojumystar Qazaqstanǵa kelgen eńbekshi kóship-qonýshylardyń eńbek etý kúnderi men densaýlyǵyna baılanysty problemalary týraly syr shertedi.
Fotosýretterde HOÝP Jobasynyń baǵdarlamasyn engizý sheńberinde eńbekshi - kóship-qonýshylarǵa týberkýlez profılaktıkasyna, dıagnostıkasyna jáne emdeýge (oqytýda nemese habardar etýde) kómek jáne áleýmettik qoldaý kórsetip jatqan medıtsına qyzmetkerleri jáne úkimettik emes uıymdar qyzmetkerleri de kórsetilgen.
«Baǵdarlamamyzdyń maqsaty - eńbekshi kóship-qonýshylar úshin týberkýlez dıagnostıkasy men emdeýge qoljetimdilikti shekteıtin kedergilerdi joıý, múmkindikterdi qamtamasyz etý, týberkýlezdi transshekaralyq baqylaý jáne emdeý boıynsha tıimdi tetikterdi (óńirlikti qosa alǵanda) jasaý», - dep atap ótti Qazqstandaǵy HOÝP Jobasynyń basshysy Baqtııar Babamýradov.
Mine úsh jyl boıy HOP Jobasynyń qyzmetkerleri memlekettik qurylymdarmen, medıtsınalyq mekemelermen, kóshi-qon qyzmetimen, úkimettik emes uıymdarmen, ulttyq-mádenı ortalyqtarmen birlesip, qıynda, biraq óte mańyzdy jumyspen aınalysady, onyń bir bóligi «Saý bolyp oral!» fotokórmesinde beınelengen.
Fotokórmeniń ashylýyna QR Densaýlyq saqtaý mınıstrliginiń, HOÝP Jobasynyń, Kóshi-qon jónindegi halyqaralyq uıymdardyń, úkimettik emes uıymdardyń, medıtsınalyq qoǵamdastyqtyń jáne eńbekshi kóship-qonýshylar qatysady.
Fotokórmeniń 3 jeltoqsanǵa deıin jalǵasady.
