Astanada eńbek qaýipsizdigi talabyn elemegen nysandardaǵy qurylys jumysy toqtatyldy
«Búgingi tańda elordada 299 alańda qurylys jumystary júrgizilýde. Bul rette jekelegen qurylys kompanııalary qaýipsizdik tehnıkasy salasynda olqylyqtarǵa jol beredi. Qurylystaǵy óndiristik jaraqattanýdyń negizgi sebebi - obektilerde jumys óndirisiniń joǵary qarqyny jáne eńbekti qorǵaý men qaýipsizdik tehnıkasyna qarajattyń jetkiliksiz bólinýi bolyp tabylady. Taldaý kórsetkendeı, eńbekti qorǵaý jónindegi qyzmetkerlerdi daıarlaýdy uıymdastyrý men júrgizýdegi kemshilikter mynalar bolyp tabylady: ýaqytsha qorǵanys qorshaýlarynyń, ustaǵyshtardyń bolmaýy, tóbe plıtalardyń shetine qurylys materıaldaryn jınaý, qyzmetkerlerdi jeke qorǵanysh quraldarymen qamtamasyz etpeý» - dedi Qalalyq orta sapasy jáne baqylaý basqarmasy basshysynyń orynbasary Erlan Ysmaǵulov kommýnıkatsııalar qyzmetinde ótken brıfıngide.
Spıker eńbek qaýipsizdigine qatysty osyndaı kemshilikter aýyr zardaptarǵa ákep soǵatynyn atap ótti.
«Búgingi kúni eńbek qaýipsizdigi jáne eńbekti qorǵaý tehnıkasyn buzǵany úshin memlekettik eńbek ınspektorlary materıaldardy sotqa bere otyryp, 4 qurylys obektisinde qurylys-montajdaý jumystaryn toqtatty. Profılaktıka sheńberinde eńbek ınspektorlary kásiporyndardyń eńbek ujymdarymen eńbek qaýipsizdigi jáne eńbekti qorǵaý jónindegi talaptardy saqtaý boıynsha túsindirý jumystaryn júrgizedi», - dep málim etti Erlan Ysmaǵulov.