Astanada eńbek daýlaryn sheshý joldary talqylandy

ASTANA. QazAqparat - Búgin QR Densaýlyq saqtaý jáne áleýmettik damý mınıstrligi QR Kásipodaqtar federatsııasymen jáne QR Ulttyq kásipkerler palatasymen birlesip jumys berýshiler men eńbek ujymdarynyń áleýmettik shıelenistiń aldyn alý jáne áleýmettik-eńbek qaqtyǵystaryn sheshýdegi ózara árekettestigi máseleleri boıynsha semınar ótkizdi.

Bul týraly vedomstvonyń baspasóz qyzmeti habarlady.

Osy semınarǵa áleýmettik áriptester, eńbek jáne jumyspen qamtý salasyndaǵy jergilikti organdar basshylary, óńirlik kásipkerler palatasy jáne kásipodaq uıymdarynyń ókilderi qatysty.

Jınalys barysynda «Eńbek qatynastary salasyndaǵy memlekettik organdar men áleýmettik áriptesterdiń júıeli ózara baılanys nysandary men ádisteri» taqyrybynda QR DSÁDM Eńbek, áleýmettik qorǵaý jáne kóshi-qon komıtetiniń tóraǵasy Aqmadı Sarbasov sóz sóıledi.

Semınar spıkerleriniń baıandamalary áleýmettik áriptestik taraptarynyń ózara is-qımyldarynyń tıimdi nysandary men ádisteri, sonyń ishinde memlekettik organdar men áleýmettik áriptestik taraptarynyń eńbek janjaldarynyń týyndaýy kezinde biryńǵaı áreketteri týraly, áleýmettik-eńbek janjaldaryn sheshýdiń pármendi joldary jáne bıznestiń áleýmettik jaýapkershiligin arttyrý, eńbek janjaldaryn sheshý kezinde kelissózder júrgizýdiń psıhologııalyq aspektileri, eńbek zańnamasy salasyndaǵy memlekettik baqylaý jáne eńbek qaýipsizdigi men eńbek gıgıenasy máselelerin basqarý taqyryptaryn qamtydy.