Astanada eńbek dástúrin nasıhattaıtyn konkýrsqa ótinim qabyldaý júrip jatyr
ASTANA. KAZINFORM — Astanada jalpyǵa ortaq eńbek qoǵamy ıdeıasyn nasıhattaý maqsatynda jyl saıynǵy «Eńbek joly» konkýrsy ótkiziledi. Konkýrsqa eńbek áýletteri, jas mamandar jáne eńbek ótili 20 jyldan asatyn tálimgerler qatysa alady. Bul týraly Astana qalasynyń ákimdigi málim etti.
«Eńbek joly» konkýrsyna ótinim qabyldaý 1 shildege deıin jalǵasady.
Konkýrs úsh nomınatsııadan turady:
- «Úzdik eńbek áýleti» – eńbek ótili eń uzaq, marapattary eń kóp áýlet anyqtalady;
- «Jumys isteıtin jastardyń úzdik tálimgeri» – eńbek ótili keminde 20 jyl bolatyn eń nátıjeli tálimger anyqtalady;
- «Óndiristiń úzdik jas qyzmetkeri» – eńbek ótili 5 jyldan aspaıtyn eń belsendi ári eńbekqor óndiris qyzmetkeri anyqtalady.
Konkýrs týraly tolyq aqparatty myna telefondar arqyly alýǵa bolady: 55-68-11, 55-68-34, 55-68-05 (Astana qalasynyń Jumyspen qamtý jáne áleýmettik qorǵaý basqarmasy).
Eske sala keteıik, buǵan deıin Astana taqyrybyndaǵy úzdik jýrnalıstik jumystarǵa konkýrs bastalǵanyn jazdyq.
