Astanada eń joǵary suranysqa ıe mamandyqtar ataldy
ASTANA. QazAqparat - «Kásiptik bilim berý jáne bıznes: Seriktester suhbaty» qalalyq forýmy tehnıkalyq jáne kásiptik bilim berý, áleýmettik seriktestiktiń tıimdi júıesin jolǵa qoıý boıynsha kásiptik bilim berýdi jańǵyrtýdyń basym joldarynyń biri bolyp tabylatyn suhbat alańy júıesiniń mańyzdy jyl saıynǵy is-shara bolyp tabylady.
Elorda ákimdigi baspasóz qyzmetiniń habarlaýynsha, is-shara dástúr boıynsha kásibı mamandardyń erekshe nazaryn aýdardy. Qatysýshylar men shaqyrylǵandar qatarynda Astana qalasy ákimdiginiń, QR Bilim jáne ǵylym mınıstrliginiń ókilderi, jumys berýshiler, Astana qalasynyń kásipkerler palatasynyń ókilderi, máslıhat depýtattary, tehnıkalyq jáne kásiptik bilim berý salasynyń qyzmetkerleri bar.
Forýmnyń basty maqsaty - oqý oryndary men óndiristik kásiporyndar arasyndaǵy úılestirýdi jaqsartý, oqý bitirýshilerdiń jumysqa ornalasýyna kómek kórsetý, orta býyn mamandardyń ımıdji men mártebesin kóterý, tehnıkalyq jáne kásiptik bilim berýdi damytý.
Forýmdy Astana qalasy bilim basqarmasy basshysynyń orynbasary Q.S. Senǵazıev quttyqtaý sózben ashty. Onyń aıtýynsha, elordalyq kolledjderde oqytýdyń dýaldi júıesi belsendi qarqynmen engizilýde. Bul- daıyndyqtyń teorııalyq bóligi bilim berý uıymdarynyń bazasynda, al praktıkalyq bóligi jumys oryndarynda ótetin oqý túri. Qazirgi kezde 34 kásiporyn10 oqý ornynda kadrlardy daıarlaýda dýaldi oqytý elementterin qoldanýda. Sondaı-aq, bıyl oqytýdyń bul ádisi 9 kolledjde 9 mamandyq boıynsha engizilmek. Negizinen, bilim berý, medıtsına, qurylys jáne temirjol salalarynda.
«Astana qalasy ákimdiginiń Jumyspen qamtý ortalyǵy» KMM dırektory O.K. Omardyń aıtýynsha, elordada er adamdar arasynda neǵurlym suranysqa ıe mamandyq - qurylysshy-tehnık, tas qalaýshy, ár túrli júıeler men jabdyqtardy montajdaýshy, baılanys montajdaýshysy, elektrık, elektrmen jáne gazben dánekerleýshi, qurylys mashınalary men mehanızmderiniń mashınısti, kran mashınısti, júk tasıtyn avtokólik júrgizýshisi, slesar-santehnık. Áıelder arasynda asa qajetti mamandyqtar - mektepke deıingi mekemelerdiń tárbıeshisi, tiginshi, medbıke, aspaz, naýbaıshy, satýshy, býhgalter, ákimshi, shashtaraz.
Forým barysynda salalyq uıymdar, iri kompanııalar jáne oqý oryndary arasynda memorandýmdar men kelisimsharttarǵa qol qoıyldy. Іs-shara aıasynda tehnıkalyq jáne kásiptik bilim beretin oqý oryndarynyń kórmesi uıymdastyryldy. Qalalyq uıymdarmen jáne kásiporyndarmen áleýmettik seriktestik, dýaldi oqytýdyń jaı-kúıi, halyqaralyq yntymaqtastyqty damytý jáne t.b. aqparat usynyldy.
Sondaı-aq, forýmda úzdik áleýmettik seriktester men úzdik kolledjderdi tehnıkalyq jáne kásiptik bilim berý júıesin damytýǵa qosqan úlesi úshin marapattaý rásimi ótti. Sóıtip, «Altyn júrek» nomınatsııasynda Qazaq tehnologııa jáne bıznes kolledji jeńimpaz atandy, «Úzdik yntymaqtastyq» marapatyn Ekonomıka, tehnologııa jáne taǵam óndirisin standarttaý kolledji ıelendi. Turan kolledji «Úzdik halyqaralyq jetistik» nomınatsııasynda úzdik atandy.
