Astanada eń úzdik mamandyq ıelerin anyqtaý baıqaýy bastaldy
ASTANA. QazAqparat - Jyl saıyn elorda kúni qarsańynda Astana ákimdigi elimizdiń bas qalasyndaǵy úzdik mamandyq ıelerin anyqtaıdy. «Astana tandaýy» baıqaýy mańyzdy mamandyqtardyń úzdik ókilderin, atap aıtqanda, eń úzdik muǵalimdi, dárigerdi, qoǵamdyq kólik júrgizýshisin, qurylysshyny, energetıkti, jol salýshyny jáne polıtsııanyń ýchaskelik ınspektoryn aıqyndaýǵa múmkindik beredi.
Bul týraly «Báıterek» halyqaralyq medıa ortalyǵynan habarlady, dep jazady elorda ákimdiginiń resmı saıtynda. Aıta keteıik, elordadaǵy eńbek naryǵynda asa qajetti mamandyqtar - ınjener, mehanık, energetık, elektrık, gaz jáne elektr dánekerleýshi sııaqty tehnıkalyq mamandar, sondaı-aq muǵalimder men tárbıeshiler bolyp tabylady. Al ekonomıka jáne zań mamandyqtaryna suranys áldeqaıda tómen. Jalpy qaladaǵy eńbek naryǵy men jumyspen qamtý jaǵdaıyna toqtalsaq, munda ekonomıkalyq belsendi halyqtyń ishinde jumyssyzdar sany eń az tirkelgen. ıAǵnı, jumyssyz júrgen azamattar sany jyldan-jylǵa azaıyp keledi. Jumyspen qamtý jáne áleýmettik baǵdarlamalar basqarmasynyń habarlaýynsha, Astana halqynyń sany 2014 jylǵy 1 naýryzdaǵy málimet boıynsha 821,9 myń adamdy qurady. Sonymen qatar ótken jyly jumyssyzdyq deńgeıi 5,5%, al jastar arasynda bul kórsetkish 7,7% kemidi.
Eske salaıyq, «Astana tandaýy» baıqaýyna ótinishterdi qabyldaý 31 mamyrǵa deıin júrgiziledi. Al 1-20 maýsymda baıqaýdyń kelesi kezeńi bastalady, ıaǵnı www.astana.gov.kz saıtynda úzdik mamandyq ıesine daýys berý sharasy ótedi. Baıqaý jeńimpazdary baǵaly syılyqtarmen marapattalady.
