Astanada eń úzdik bilim berý mekemeleri reıtıngisiniń qorytyndysy shyqty
ASTANA. 3 qazan. QazAqparat - Astana qalasynda Ustazdar kúniniń qarsańynda eń úzdik oqý oryndary reıtıngisiniń qorytyndysy jarııalandy.
Astana ákimdiginiń málimetinshe, osy jyly alǵash ret «Kóshbasshy mektep» ataǵy taǵaıyndaldy. Osy qurmetti ataqqa № 38 mektep-lıtseı ıe boldy.
Jyl saıyn oqý jylynyń qorytyndysy boıynsha úzdik bilim berý uıymdary marapattalatyn bolady. Bıyl «Úzdik balabaqsha» atalmyn № 8 «Dýman» balabaqshasy ıelendi, «Úzdik kolledj» - kólik jáne kommýnıkatsııa kolledji. Al, «Úzdik qosymsha bilim berý mekemesi» retinde «Arman» sport-saýyqtyrý lageri tanyldy. «Kámelettik jasqa tolmaǵan balalar úıi» MM «2012 jyldyń Úzdik mamandandyrylǵan bilim berý uıymy» atalymyna ıe boldy.
