Astanada eń úlken muz aıdynynyń qurylysy bastaldy
ASTANA. QazAqparat - Astanada ashyq aspan astyndaǵy eń úlken muz aıdynynyń qurylysy men jańajyldyq merekelerge kóshelerdi bezendirý jumystary bastaldy, dep habarlaıdy QazAqparat «Vechernıaıa Astana» gazetine silteme jasap.
«Qysqy erteginiń» negizgi tujyrymdamasy 2017 jyldyń basty nyshany - Taýyq qana emes, elimizdiń basty oqıǵasy - EKSPO kórmesi de bolady.
«Búginde «Araı» saıabaǵynda aýmaǵy 5 myń sharshy metrdi quraıtyn 250 adamǵa arnalǵan muz aıdynynyń qurylysy bastaldy. Munda konkıdi jalǵa berý orny, medıtsınalyq pýnkt, dámhana, radıohabarlaǵysh jáne LED-ekrandar ornalastyrylady. Muz aıdynynyń aýmaǵynda sondaı-aq, syrǵanaıtyn tóbeshikter ornatylady», - dep habarlady Esil aýdany ákimdiginiń baspasóz hatshysy Jamal Ábikenova.
Muz aıdyndary sonymen birge, qalanyń ózge eki aýdanynda da salynady. Olar shamamen 16 jeltoqsannan bastap jumys isteı bastaıdy.
Astana qalalyq Mádenıet basqarmasynan habarlaǵandaı, elordada Jańa jyl merekesine oraı barlyǵy 17 shyrsha ornatylyp, tórt muz qalashyǵy boı kóteredi. Bir ǵana Esil aýdany men Úrker, Qalamańy turǵyn alqaptarynda 10 jańajyldyq shyrsha ornatý josparlanǵan.
Aıta keteıik, bıyl elimizdiń basty shyrshasy «Han Shatyr» SOSO mańyna ornatylatyn bolady. Osynda sondaı-aq tórt muz qalashyqtarynyń biri salynady.
