Astanada eń tómengi kúnkóris deńgeıi 22 787 teńgeni qurady
ASTANA. 4 qyrkúıek. QazAqparat - Elordada ústimizdegi jyly tamyz aıynda eń tómengi kúnkóris shegi 22 787 teńgeni qurady. Bul týraly astana.kz saıtyna qalalyq Statıstıka departamentinen habarlady.
Halyqtyń jan basyna shaqqandaǵy eń tómengi kúnkóris shegi orta eseppen negizgi azyq-túlik ónimderin tutynýdyń eń tómengi normalary boıynsha esepteledi.
«2013 jylǵy tamyz aıynda onyń aldyndaǵy aımen salystyrǵanda eń tómengi kúnkóris deńgeıi 5,7 paıyzǵa, 2012 jylǵy tamyz aıymen salystyrǵanda 6,4 paıyzǵa ulǵaıdy»,- dep habarlady vedomstvodan.
Sonyń ishinde et pen balyq satyp alýǵa 20,0 paıyz, sút, maı ónimderi men jumyrtqaǵa 13,2 paıyz, jemis-jıdekter men kókónisterge 18,7 paıyz, nan ónimderi jáne jarmalarǵa 6,4 paıyz, qant, shaı men dámdeýishterge 1,7 paıyz kóleminde jumsalady.
