Astanada eń tanymal polıtseıge - QR sportshysyna medal tapsyryldy
ASTANA. QazAqparat - Astanada eń tanymal polıtsııa polkovnıgi, ІІM qurama komandasynyń kapıtany Serik Nurǵalıevke «Qazaqstanda polıtseı baýyrmaldyǵy ıdeıasyn ilgeriletkeni úshin» medali tapsyryldy.
Bul týraly Halyqaralyq polıtseıler qaýymdastyǵynyń qazaqstandyq fılıalynan habarlady,
Marapatty Halyqaralyq polıtseıler qaýymdastyǵy qazaqstandyq fılıalynyń prezıdenti Marat Nurǵalıev tapsyrdy.
«Barshaǵa belgili, zapastaǵy polıtsııa polkovnıgi Serik Nurǵalıev Qazaqstannyń eńbek sińirgen sport sheberi, álemniń on márte chempıony jáne rekordshysy, quqyq qorǵaý organdary arasyndaǵy Eýropa chempıony, quqyq qorǵaý organdary arasyndaǵy álemdik birinshilikterdiń 31 altyn, 5 kúmis jáne 3 qola medaldarynyń ıegeri», - dep atap ótti Halyqaralyq polıtseıler qaýymdpastyǵynda.
«Qazirgi kezde komandany 2017 jyly jazda Monreal qalasynda (Kanada) ótetin kelesi Búkilálemdik quqyq qorǵaý organdary olımpıadasyna kúsheıtilgen túrde ázirleý júrip jatyr», - dep habarlady QR ІІM qurama komandasynyń kapıtany S.Nurǵalıev.
