Astanada eń sypaıy kólik júrgizýshileri tańdalady
ASTANA. QazAqparat - 22 qazanda Astanada eń sypaıy kólik júrgizýshileri tańdalady, dep habarlaıdy qalalyq ІІD baspasóz qyzmetinen.
Jol qozǵalysy erejelerin buzýshylyqtardyń aldyn alý men olardyń jolyn kesýge baǵyttalǵan «Nazar aýdaryńyz, balalar!» keń aýqymdy áleýmettik is-sharanyń sheńberinde astanalyq jol-patrýldik polıtsııa qyzmetkerleri júrgizýshilerge arnap birqatar aldyn alý sharalar júrgizbek.
«Sypaıy júrgizýshi» aktsııasyn ótkizý kezinde polıtseıler rettelinbeıtin joldarda jaıaý júrginshilerdi ótkizip jiberetin, aýlalar men janarmaı beketterinen shyǵyp kele jatqan kólikterdi ótkizetin, joldaǵy mádenıet pen sypaıylyqqa baǵynatyn kólik júrgizýshilerin anyqtaıdy. Bul kúni sypaıy júrgizýshilerge alǵys aıtylyp, «Sypaıy júrgizýshi» degen jazýy bar stıkerdi ıelengenderdiń aty-jónderi «Avtoradıo Qazaqstan» respýblıkalyq radıosynyń tikeleı efırinde atalady.
Oǵan qosa, is-shara uıymdastyrýshylary saqtandyrý kompanııalarynyń ókilderimen birlese eń ańǵarympaz ári sypaıy júrgizýshilerge arnap syılyqtar jasamaq.
Aktsııa barysynda jaıaý júrginshiler jolynda erejeni buzǵan júrgizýshilerge, aıyppul ornyna ózderin «jaıaý júrginshilerdiń rólinde seziný» úshin JQE buzǵan rettelmeıtin joldan ótýdi usynatyn bolady.
Ákimshilik polıtsııa málimetteri boıynsha, Astanada árbir ekinshi jol-kólik oqıǵasy jaıaý júrginshilerdi qaǵyp ketýmen baılanysty. Aǵymdaǵy jyly JKO saldarynan 250 jaıaý júrginshi túrli jaraqat alsa, 14 adam qaza tapty. 50 oqıǵada jaıaý júrginshiler jolynda apat oryn alǵan.
