Astanada eń kóp satylǵan kóliktiń VIP nómiri - 001
ASTANA. QazAqparat - 2015 jyly Astana qalasynda jeke avtokólik ıeleri 1 myńnan asa VIP-nomerler satyp alǵan. Bul týraly QazAqparat tilshisine Astana qalasy ІІD Ákimshilik polıtsııa basqarmasynyń tirkeý-emtıhan qabyldaý jumystary jónindegi bólim basshysynyń orynbasary Eldar Danııarov habarlady.
Onyń aıtýynsha, elordalyq kólik ıeleriniń kóbi «001» memlekettik tirkeý nómirine qyzyǵady.
«Astana qalalyq Іshki ister departamentiniń Ákimshilik polıtsııa basqarmasynyń málimetine súıensek, 2015 jyly Astana qalasynda jalpy somasy 430,5 mln teńge kóleminde 1 241 memlekettik tirkeý nómiri satylǵan»,-dep túsindirdi ol.
Ákimshilik polıtsııa basqarmasynyń deregine súıensek, elordadaǵy kólik ıeleriniń arasynda suranysqa ıe VIP-nómirler - ol «001», «111», «777».
Naqtyraq aıtsaq, 2015 jyly Astanada 240 kólik ıesi «001» memlekettik tirkeý nómirin, 186 kólik ıesi - «111» nómirin, 137 adam - «777» nómirin, 117 adam «555» memlekettik tirkeý nómirin satyp alǵan. Sonymen qatar, byltyr «007» nómiri 82 adamǵa, «100» kombınatsııasy - 84 adamǵa, «888» kombınatsııasy - 99 kólik ıesine, «999» kombınatsııasy - 72 júrgizýshige satylǵan.
Ákimshilik polıtsııa 2016 jylǵa qatysty deregin áli jarııa etken joq.
