Astanada elordanyń eń úzdik qyzmetkerine daýys berý bastaldy
ASTANA. QazAqparat - 1-31 tamyz aralyǵynda «Eńbek joly» kásiporyndar qyzmetkerleri arasynda jalpyqalalyq baıqaýdyń eń úzdik úmitkeri úshin onlaın-daýys berý bastaldy, dep habarlaıdy elordanyń medıa ortalyǵy .
Baıqaýǵa qatysý úshin 23 ótinish kelip tústi. Qujattardy qabyldaý 20 mamyr-20 shilde aralyǵynda júzege asyryldy.
«Baıqaý Elbasynyń ıdeıasyn iske asyrý aıasynda ótkizilýde. Prezıdenttiń Jarlyǵymen Eńbek kúni bekitilgen bolatyn. «Eńbek joly» baıqaýy ekinshi ret ótkizilip otyr. Onyń maqsaty - eńbek adamynyń áleýetin, eńbek ónimdiligin arttyrý, jumys mamandyqtaryn nasıhattaý. Baıqaý úsh atalymnan turady: «Eń úzdik eńbek dınastııasy», «Eń úzdik kásiporyn qyzmetkeri», «Jumysshy jastyń úzdik jetekshisi». Jeńimpazdardy tańdaý eki kezeń boıynsha iske asyrylady: qalalyq jáne respýblıkalyq deńgeıde. Daýys berýdiń birinshi kezeńi búgin bastaldy jáne ol 31 tamyzda bitedi»,- dedi jumyspen qamtý bólimi basshysynyń mindetin atqarýshy Maqpal Aqbasova.
Eń úzdik qyzmetkergemyna silteme boıynsha daýys berýge bolady:
Daýys berý 3 atalym boıynsha júzege asyrylady:
1.«Úzdik eńbek dınastııasy»- eń uzaq eńbek ótilimimen birneshe marapattaýy bar eń kópjyldyq dınastııa tańdalady.
2. «Óndiristiń úzdik jas jumysshysy»-5 jyldan kem emes eńbek ótilimimen óndiristiń eń belsendi jáne eńbekqor jumysshysy tańdalady.
3. «Jumysshy jastyń úzdik jetekshisi»-20 jyldan kem emes eńbek ótilimi bar eń joǵary nátıjeli jetekshi tańdalady.
Daýys berý 3 atalym boıynsha ótedi:
Onlaın-daýys berý - eń kóp daýys jınaǵan ár atalym boıynsha 3 kóshbasshyny anyqtaıdy (bas-aıaǵy 9 úmitker). Ekinshi kezeńde óńirlik komıssııa 3 kóshbasshy arasynda baıqaýdyń jeńimpazdaryn anyqtaıdy.
Eń úzdik qatysýshylardy marapattaý respýblıkalyq «Jalpyǵa Ortaq Eńbek Qoǵamyna» forýmyn ótkizý kúninde ótedi.
Jeńimpazdar qundy syılyqtarmen jáne dıplomdarmen marapattalady. Barlyq qatysýshylar alǵyshattarmen marapattalady.
