Astanada elordalyq tarıh jáne mádenıet eskertkishterin saqtaý máseleleri talqylandy
ASTANA. QazAqparat - Astanada ornalasqan Tarıh jáne mádenıet eskertkishterin qorǵaý jónindegi komıssııanyń otyrysy ótti. Astana qalasy Mádenıet basqarmasynyń basshysy Bolat Majaǵulov tóraǵalyq etetin komıssııa músheleri tarıhı-mádenı mura nysandarynyń jaǵdaıyn sóz etip, olardy saqtaý máselelerin qarady, dep habarlady qalalyq mádenıet basqarmasynan.
Jyl saıyn qalada tarıhı jáne mádenı nysandardyń, túrli monýmentterdiń sany artyp keledi. Búgingi tańda elordada 46, sonyń ishinde eki respýblıkalyq mańyzdy tarıhı jáne mádenı eskertkish bar.
- Tarıhı jáne mádenı eskertkishterdi paıdalaný kóp jumysty qajet etedi. Osy mindetti atqarý úshin Qazirgi zamanǵy óner murajaıynyń bazasynda «Eskertkishter men tarıhı-mádenı mura nysandaryn saqtaýdy qamtamasyz etý dırektsııasy» quryldy. Oǵan ǵylymı jumystardan basqa barlyq sharýashylyq fýnktsııalar, sonyń ishinde qajet bolǵan jaǵdaılarda jańǵyrtý jumystary da júkteldi, - dedi Bolat Majaǵulov komıssııa otyrysynda sóılegen sózinde.
Árıne, «EKSPO-2017» halyqaralyq kórmesi qarsańynda tarıhı eskertkishterdiń jaǵdaıyna erekshe nazar aýdarý kerek. Qazirden bastap sheteldik delegatsııalar men týrıster úshin ekskýrsııalar daıyndap jatqan túrli memleketterdiń dıplomatııalyq ókildikterinen ótinimder túsip jatyr.
Kóptegen tarıhı eskertkishter men mádenı nysandar ondaǵan jyldar boıy paıdalanylyp keledi, olardyń bári de asa qundy, óıtkeni bul - Qazaqstannyń tarıhy, sondaı-aq, elimizdiń ósimi men jetistikteriniń belgisi bolyp tabylady.
Astana qalasynyń tarıhı jáne mádenı eskertkishterin qorǵaý jónindegi komıssııa konsýltatıvtik-keńestik organ bolyp tabylady, onyń quzyrettiligine tarıhı jáne mádenı nysandardy eskertkishter dep taný, osy mártebeden aıyrý, sonymen qatar olardy paıdalaný, qorǵaý, esepke alý jatady.
