Astanada «Elorda jastary» baǵdarlamasyna qatysýǵa ótinim qabyldaý bastalady

ASTANA. KAZINFORM - 2024 jyldyń 1-6 aqpan kúnderi aralyǵynda Astanada «Elorda jastary» jeńildetilgen nesıeleý baǵdarlamasyna qatysýǵa ótinim qabyldaý bastalady, dep habarlaıdy elorda ákimdiginiń resmı saıty.

Ótinimderdi qabyldaý 1 aqpannan bastap saǵat 9.00-den 6 aqpanǵa deıin saǵat 23.59-ǵa deıin elektrondyq túrde birge.astana.kz portaly arqyly júzege asyrylady (ótinim berý jónindegi nusqaýlyq zhilfond.kz saıtynyń osy baǵdarlama boıynsha habarlandyrýynda, «Jańalyqtar» bóliminde ornalastyrylǵan).

Baǵdarlama «Otbasy bank» AQ arqyly elordada bastapqy/qaıtalama naryqta óz páterińizdi satyp alýǵa múmkindik beredi.

Bank barlyǵy 80 nesıe beredi.

Baǵdarlamanyń sharttary:

- qaryzdyń eń joǵary somasy - 18 mln. teńge;
- bastapqy jarna - 10%;
- qaryz boıynsha mólsherleme - jyldyq 5% ;
- nesıeleý merzimi 25 jylǵa deıin.

Jalpy talaptar:

- ótinim berý kezinde 35 jasqa tolmaǵan bolýy kerek;
- sońǵy 1 jylda Astana qalasynda turaqty túrde mekenjaıǵa tirkelgen bolýy kerek;
- baǵdarlamaǵa qatysýshynyń jáne onyń otbasy músheleriniń Qazaqstan Respýblıkasynyń aýmaǵy boıynsha sońǵy 5 (bes) jyl ishinde satyp alý quqyǵymen jalǵa beriletin turǵyn úıdiń, satyp alý quqyǵynsyz jalǵa beriletin turǵyn úıdiń nemese menshik quqyǵymen turǵyn úıdiń (erli-zaıyptylardyń ortaq birlesken menshigi, ótinishke engiziletin otbasynyń basqa múshelerimen birlesip ortaq úlestik menshik) bolmaýy;
- ótinish berý sátindegi qatysýshynyń tańdalǵan saladaǵy resmı jumys ótili sońǵy bir jyldan kem emes;
- jınaqtalǵan somasy 1.8 mln. teńgeden kem emes «Otbasy bankte» depozıttik shotynyń bolýy;
- otbasynyń árbir múshesine sońǵy 6 aı úshin eńbek nemese kásipkerlik qyzmetten (zeınetaqy aýdarymdaryn, jeke tabys salyǵyn jáne ózge de mindetti aýdarymdardy esepke almaǵanda) eń tómengi kúnkóris deńgeıiniń 6 eselengen shamasyna deıingi kirisiniń bolýy (260 442 tg.).

Kelesi qyzmet salalary boıynsha Astana qalasynyń memlekettik mekemeleriniń de, jeke uıymdarynyń da qyzmetkerleri qatysa alady:

1. densaýlyq saqtaý (tehnıkalyq jáne ákimshilik personaldy qospaǵanda, medıtsına qyzmetkerleri);
2. bilim berý (tehnıkalyq jáne ákimshilik personaldy qospaǵanda, pedagog qyzmetkerler);
3. mádenıet (tehnıkalyq jáne ákimshilik personaldy qospaǵanda, beıindi qyzmetkerler);
4. sport (tehnıkalyq jáne ákimshilik personaldy qospaǵanda, sportshylar men jattyqtyrýshy-tálimgerler);
5. áleýmettik sala (tehnıkalyq jáne ákimshilik personaldy qospaǵanda, beıindi qyzmetkerler);
6. JOO jáne ǴZI (tehnıkalyq jáne ákimshilik personaldy qospaǵanda, oqytýshylar men ǵylymı qyzmetkerler)
7. jýrnalıster (Jýrnalıster, korrespondentter, prodıýserler, betteýshiler, redaktor, rejısserler, dybys ınjenerleri, tele-radıo júrgizýshileri, fotograftar, teleradıo habarlaryn taratý ınjenerleri, grafıkalyq jáne mýltımedııalyq dızaınerler, teleradıo habarlaryn taratý tehnıkteri, aýdıo-beıne operatory, telekommýnıkatsııa montajerleri, kontent-menedjer, keńesshi, veb-dızaıner, medıa josparlaý menedjeri, medıa taldaýshy, tehnıkalyq jáne ákimshilik personaldy qospaǵanda);
8. Astana qalasynyń kommýnaldyq kásiporyndarynyń / mekemeleriniń beıindi qyzmetkerleri (uıymnyń jekelegen joǵary turǵan salalardaǵy qyzmetkerlerin, onyń ishinde tehnıkalyq jáne ákimshilik personaldy qospaǵanda);
9. qyzmet salasyna qaramastan, Astana qalasynda «Jetim balalar» sanaty boıynsha turǵyn úı kezeginde turǵan 35 jasqa tolmaǵan azamattar.
10. Astana qalasy Polıtsııa departamentiniń qyzmetkerleri (tehnıkalyq jáne ákimshilik personaldy qospaǵanda, beıindi qyzmetkerler);
11. Astana qalasy Tótenshe jaǵdaılar departamentiniń qyzmetkerleri (tehnıkalyq jáne ákimshilik personaldy qospaǵanda, beıindi qyzmetkerler);

Ótinimdi toltyrý kezinde qatysýshy tańdaǵan sala boıynsha eńbek qyzmetin júzege asyratyn salamen sáıkes kelýi tıis.

Qajetti qujattar tizimi:

1. Elektrondy tsıfrli kilt;
2. Azamattyq hal aktilerin memlekettik tirkeý týraly kýálik (bala týý, neke qııý, nekeni buzý jáne t. b.);

3. Ótinish berýshige Qazaqstan Respýblıkasy boıynsha otbasynyń barlyq múshelerine jyljymaıtyn múliktiń joqtyǵy (bar bolýy) týraly anyqtama (anyqtama egov.kz - QR elektrondyq úkimet portalynan ótinim berý sátindegi kúni alynýy tıis).
4. Uıymnyń fırmalyq blankisinde anyqtamanyń berilgen kúni, shyǵys nómiri, jumysqa ornalasý kúni jáne atqaratyn laýazymy men laýazymdyq jalaqysy kórsetilgen jumys ornynan anyqtama.
5. QR Eńbek kodeksiniń 35-babyna sáıkes eńbek ótilin rastaıtyn qujattar (qyzmettik tizim, eńbek kitaby nemese t. b.);
6. Eńbek qyzmetiniń barlyq kezeńi úshin zeınetaqy aýdarymdary týraly úzindi-kóshirme erli-zaıyptylardyń ekeýine de (joldasy/jubaıy);
7. Bolǵan jaǵdaıda: ótinish berýshige nemese onyń otbasy múshelerine (joldasy/jubaıy, balalary) múgedektigi týraly anyqtama;
8. Depozıtte jınaqtalǵan somany kórsete otyryp, «Otbasy bank» AQ-da depozıttik shottyń bolýy týraly anyqtama (erli-zaıyptylardyń ekeýine de, jınaqtalǵan soma 1.8 mln. teńgeden kem bolmaýy tıis);
9. Jumys isteıtin erli-zaıyptylardyń ekeýinde de bolǵan jaǵdaıda sońǵy 6 aıdaǵy tabysy týraly jumys ornynan anyqtama;
10. Joǵary nemese orta arnaýly bilimi týraly qujat.
11. Qoly men kúni bar derbes derekterdi jınaýǵa jáne óńdeýge jubaıynyń/joldasynyń (bar bolsa) kelisiminiń skanerlengen nusqasy (kelisim úlgisi zhilfond.kz saıtynda osy baǵdarlama boıynsha habarlandyrýda, «Jańalyqtar» bóliminde ornalastyrylǵan).
Іrikteý qalaı júzege asyrylady?

Qatysýshylardy irikteý eń joǵary balldan eń tómen ballǵa esepteýdi paıdalana otyryp júrgiziletin bolady:

- tańdalǵan saladaǵy jumys ótiliniń tolyq 1 jyly - 5 ball, tańdalǵan saladaǵy jumys ótiliniń tolyq emes jyly - 3 ball.
- Astana qalasynda «Jetim balalar, ata-anasynyń qamqorlyǵynsyz qalǵan balalar» sanaty boıynsha kommýnaldyq turǵyn úı qorynan turǵyn úıge muqtajdar esebinde turǵandar retinde ótinim bergen azamattarǵa qyzmet salasyna qaramastan, tolyq 1 jyl jumys ótili úshin – 5 ball, tolyq emes jumys ótili úshin – 3 ball esepteledi;
- ótinish berýshide nemese joldasy/jubaıynda I, II, III toptaǵy nemese balalarda múgedektiktiń bolýy - 10 ball. Eger otbasynyń birneshe múshesinde múgedektik bolsa, múgedektigi bar otbasynyń árbir múshesine upaılar beriledi;
Qatysýshylar birdeı upaı jınaǵan jaǵdaıda, jasy úlken qatysýshynyń ótý úlesi joǵary bolady.

Qosymsha aqparatty kelesi jerden alýǵa bolady:

Turǵyn úı ortalyǵy - Astana qalasy, Respýblıka dańǵyly, 32
8-776-198-29-70 (WhatsApp) – «Elorda Jastary» baǵdarlamasy boıynsha keńes berý
109 (uıaly telefondar úshin) – iKomek
300 (uıaly telefondar úshin) – «Otbasy bank» AQ