Astanada Elorda kúnine oraı Dostyq alleıasy ashylady

ASTANA. QazAqparat - Astanada Elorda kúnine oraı Dostyq alleıasy ashylady. Bul týraly búgin Ortalyq kommýnıkatsııalar qyzmetinde ótken brıfıngte «Qyrǵyzstan-Astana» etnomádenı birlestiginiń tóraǵasy Shavkat Ismaılov aıtty.

Astanada Elorda kúnine oraı Dostyq alleıasy ashylady

«Biz mamyr aıynda Dostyq alleıasyn otyrǵyzý týraly bastama kótergen bolatynbyz. Bul bastamamyzdy Astana kúnine arnadyq. Bizdiń oıymyzsha, bul ıdeıa Astana jurshylyǵyn birlik pen berekege shaqyryp, patrıottyq sezimderin oıatady», - dep atap ótti ol.

Tóraǵanyń aıtýynsha, birlestiktiń belsendileri jýyrda kóshetter otyrǵyzǵan. «Biz Shámshi Qaldaıaqov kóshesindegi gúlbaǵynda aǵash kóshetterin otyrǵyzdyq. Bul jumysta bizge kóshetter men qural-saımandar berýde ákimdik kóp kómektesti. Jastar da belsene qatysty», - dedi birlestik tóraǵasy.