Astanada «Elorda kýbogy» sarapqa salynady
ASTANA. 28 maýsym. QazAqparat - Reseıdiń eń ataqty komandalary Astanadaǵy Halyqaralyq KVN festıvaline kelip, «Elorda kýbogy» úshin jarysqa túsedi.
Astana ákimdiginiń málimetinshe, «Narty ız Abhazıı», «Ýezdnyı gorod», «Prıma» syndy komandalar keledi dep kútilýde. Olarmen «Kazahı» jáne «Astana.kz» komandalarynan jasaqtalǵan Qazaqstan quramasy synǵa túsedi.
Komandalar úsh konkýrsqa qatysady: «Sálemdesý», «Shıratý» jáne «Mýzykalyq úı tapsyrmasy». Qazylar alqasynyń quramy ázirshe qupııada saqtalýda. Jeńimpaz komanda Astanadaǵy Halyqaralyq KVN festıvaliniń alǵashqy «Elorda kýbogyna» ıe bolady. Budan keıin bul festıval jyl saıyn ótkiziletin bolady dep josparlanýda.
Talaı jyl ótkenine qaramastan KVN «Birinshi arnanyń» reıtıngisi eń joǵary baǵdarlamalarynyń biri bolyp qalýda jáne 50 jyl boıy áleýmettiń túrli toptaryn qamtyp kele jatqan erekshe joba bolyp tabylady. Ony jastar da, eresekter de, qarttar da yqylaspen tamashalaıdy.
