Astanada «Elimniń taǵdyry - meniń taǵdyrym» forýmy ótti

Sharany Astana qalasy Іshki saıasat basqarmasy men «Úkimettik emes uıymdardy qoldaý ortalyǵy» jeke qory uıymdastyrdy.

Oǵan elorda turǵyndary arasynan túrli maman ıeleri qatysyp, ózderiniń kúndelikti tyńǵylyqty eńbekterimen jáne jetistikterimen bólisti.

Atap aıtar bolsaq, Astana qalasy Ardagerler keńesiniń múshesi Meıram Baıǵazın, QR Ulttyq akademııalyq kitaphanasynyń oqyrmandarǵa qyzmet kórsetý ortalyǵynyń meńgerýshisi Álııa Qojabekova, «Astana tsırk» memlekettik mekemesinde is qaǵazdaryn júrgizý bóliminiń mamany Roza Meıirbaeva jáne taǵy basqalar sóz alyp, pikirlerin jetkizdi.

Uıymdastyrýshylardyń aıtýynsha, forýmnyń basty maqsaty Astanadaǵy qarapaıym turǵyndardyń adal eńbegimen Táýelsiz Qazaqstannyń damýyna óz úlesin qosa alatyndyǵyn kórsetý.

Forýmǵa QR Parlamenti men Astana qalasy máslıhatynyń depýtattary, memlekettik organdardyń, saıası partııalardyń, shyǵarmashylyq, etnomádenı birlestiktiń ókilderi, sondaı-aq ardagerler men jastar qatysty.