Astanada elimizdegi memlekettik organdar arasynda sporttyq spartakıada ótedi
ASTANA. Mamyrdyń 26-sy. QazAqparat /Ernur Aqanbaı/ - Mamyrdyń 29-y men 30-y aralyǵynda Astanada elimizdegi mınıstrlikter, agenttikter, komıtetter jáne basqa da ortalyq atqarýshy organdar arasynda shaǵyn fýtboldan, voleıboldan jáne bılıardtan spartakıada ótedi,
dep habarlaıdy QazAqparat.
QR Týrızm jáne sport mınıstrliginiń uıymdastyrýymen ótetin bul sporttyq shara Memleket basshyny Nursultan Nazarbaevtyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty bıylǵy Joldaýyn júzege asyrýǵa, memlekettik qyzmetshiniń jaǵymdy beınesin nyǵaıtýǵa, halyqtyń barlyq toptary arasynda salaýaty ómir saltyn, dene tárbıesimen ári sportpen belsendi shuǵyldanýdy nasıhattaýǵa arnalǵan. Sharaǵa búkil mınıstrlikter men vedomstvolardyń ókilderi, olardyń birinshi basshylary jáne qurylymdyq bólimderiniń jetekshileri qatysatyn bolady. Mamyrdyń 29-y kúni saǵat 12:00-de Q. Muńaıtpasov atyndaǵy ortalyq stadıonda spartakıadanyń saltanatty ashylý rásimi bolady.
