Astanada elimizdegi matematıka páni muǵalimderiniń I-sezi ashylady
ASTANA. 11 mamyr. QazAqparat /Arman Asqarov/ - Búgin elordadaǵy «Qazaqstan» ortalyq kontsert zalynda «Qazaqstan mektepterinde matematıkalyq bilim berý isin damytý: qazirgi jaı-kúıi men damý bolashaǵy» taqyrybynda Qazaqstan Respýblıkasy matematıka pániniń muǵalimderiniń І-sezi bolady.
Sezd bilim berý jetistikteriniń kórmesi men oqý ádebıetteri jármeńkesiniń ashylýymen bastalady.
Osydan keıin QR Bilim jáne ǵylym mınıstri Baqytjan Jumaǵulov sezd jumysyn resmı túrde ashyp, «Memlekettiń ındýstrııalyq-ınnovatsııalyq damý jaǵdaıynda matematıkalyq bilim berýdi jetildirý» taqyrybynda baıandama jasaıdy. Sezdiń plenarlyq májilisi barysynda otandyq jáne sheteldik ǵalymdar matematıka muǵalimderin daıarlaý, daryndy oqýshylarmen jumys jasaý, matematıka oqýlyqtaryn ázirleý jáne basqa da matematıkalyq bilim berýdiń ózekti máselelerin ortaǵa salyp talqylaıtyn bolady. Sezd qatysýshylaryna QR Prezıdenti Nursultan Nazarbaev óz quttyqtaýyn joldap otyr.
Eki kúnge sozylatyn is-sharanyń qorytyndysy boıynsha Qazaqstan Respýblıkasynyń matematıka páni muǵalimderiniń І-shi seziniń qarary qabyldanyp, «Qazaqstan mektepterinde matematıkalyq bilim berý isin damytý: qazirgi jaı-kúıi men damý bolashaǵy» taqyrybynda materıaldar jınaǵy basylyp shyǵarylady.
