Astanada elimizdegi eń úzdik vaıner anyqtalady

ASTANA. QazAqparat - Búgin Nomad City hall teatrynyń alańyna YouTube jáne Instagram-daǵy qazaqstandyq segmenttiń aldyńǵy qatarly juldyzdary jınalady, dep habarlaıdy QazAqparat qala ákimdiginiń saıtyna silteme jasap.

Astana qoǵamdyq damý isteri basqarmasynyń bastamasy boıynsha elordada «VineFest» jastar festıvali ótedi.

«Tóselgen qyzyl kilem, fotograftar men sofıtterdiń jaryǵy blogerlerge arnalǵan «VineFest» astanalyq iri festıvaldiń umytylmas atmosferasyn sol kúıinde jetkizedi. Árbir kelgen qonaq ózderin shaqyrylǵan juldyzdaı sezinedi», - delingen habarlamada.

Shaqyrylǵan qonaqtardyń arasynda: Nurlan Batyrov, Kartop.tv, VineFest-2017 jeńimpazdary - T_jokers, Jeńis Imanǵalıev jáne basqalary bar. Festıval sheńberinde avtograf-sessııasy ótedi, onda kez kelgen adam qoltańba alyp, lotereıada baǵyn synaı alady. Sonymen qatar qazaqstandyq estrada juldyzdarynyń qatysýymen kontsert qoıylady.

Kesh kópten kútken jáne eń este qalarlyq oqıǵa - «Úzdik vaınerge» daýys berýdiń qorytyndysyn anyqtaýmen aıaqtalady.

Shara «Nomad City Hall» komedııa teatrynda keshke saǵat 17:00 bastalady.